Արարատի մարզում ենթակառուցվածքների զարգացման համար կհատկացվի ավելի քան 469 մլն դրամ. ՀՀ Արարատի մարզպետի աշխատակազմ
Կառավարության այսօրվա նիստում Արարատի մարզի տարբեր համայնքներում ենթակառուցվածքների զարգացման և բնակավայրերի բարեկարգման նպատակով նախատեսվել է հատկացնել 469 մլն 235.1 հազար դրամ միջոցներ։
Նախատեսվող ծրագրերն ընդգրկում են ճանապարհաշինության, ջրամատակարարման և ջրահեռացման համակարգերի բարելավման, ինչպես նաև մշակութային և նախադպրոցական հաստատությունների վերանորոգման ու կառուցման աշխատանքներ։
Մասնավորապես՝
180.5 մլն դրամ՝ Արարատ համայնքի մի շարք բնակավայրերի ճանապարհների վերանորոգման և ասֆալտապատման համար։
13.2 մլն դրամ՝ Արարատ քաղաքի և Արարատ բնակավայրի մշակույթի տների վերանորոգման և հարակից այգիների բարեկարգման համար։
131.4 մլն դրամ՝ Արմաշ, Երասխ, Պարույր Սևակ բնակավայրերի ջրամատակարարման համակարգերի, Ուրցալանջի օրվա կարգավորիչ ջրամբարի կառուցման, ինչպես նաև Արարատ և Պ․ Սևակ բնակավայրերի ջրահեռացման համակարգերի կառուցման և Արարատ բնակավայրի ջրահեռացման կոլեկտորի վերակառուցման համար։
60 մլն դրամ՝ Արարատ համայնքի մի շարք բնակավայրերի փողոցների հիմնանորոգման և ասֆալտապատման համար։
24.15 մլն դրամ՝ Արտաշատ համայնքի Ջրաշեն բնակավայրում փողոցների նորոգման և ասֆալտապատման աշխատանքների համար։
60 մլն դրամ՝ Արտաշատ համայնքի Արտաշատ քաղաքում, Բուրաստան, Կանաչուտ, Մրգանուշ, Ջրաշեն, Լանջազատ բնակավայրում մանկապարտեների կառուցման ծրագրի համար։
Նախատեսվող ծրագրերը միտված են համայնքային ենթակառուցվածքների բարելավմանը, բնակավայրերի զարգացմանը և բնակիչների կյանքի որակի բարձրացմանը։